Ələt qəsəbəsində baş vermiş qəzanın təfərrüatları məlum olub. Bu haqda 18 dekabr tarixində Oxu.az xəbər verib.
Qaradağ rayonunda dekabrın 17-də baş verən qəzada “Ford Transit” markalı mikroavtobusun sürücüsü qəza zamanı narkotik vasitənin təsiri altında olub. Tibbi müayinə nəticəsində məlum olub ki, sürücü, Gədəbəy rayon sakini 36 yaşlı Cəmşid İsmayılov marixuanadan istifadə edərək avtomobil idarə edib. O, özü də bunu etiraf edib.
Həmçinin Cəmşid İsmayılovun dəfələrlə məhkum olunması üzə çıxıb. O, Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma” maddəsi ilə 2011-ci və 2013-cü illərdə cinayət məsuliyyətinə cəlb edilib.
