Bakıda polis əməkdaşları qanunsuz miqrasiyaya qarşı tədbirlər keçiriblər. Paytaxtda 25 Nepal sakini saxlanılıb. Bu haqda bu gün, 25 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Həmin şəxslər DİN-in Qanunsuz Miqrasiyaya Qarşı Mübarizə İdarəsi əməkdaşlarının keçirdikləri tədbirlər nəticəsində Azərbaycanda yaşamağa icəzə verilən müvafiq sənədləri olmadığına görə saxlanılıblar.
Onlar barəsində protokol tərtib edilib, toplanan materiallar aidiyyəti üzrə digər dövlət orqanına təhvil verilib. Araşdırmalar zamanı onların Azərbaycandan tranzit kimi istifadə edərək qeyri-leqal yollarla Avropa ölkələrinə getmək istədikləri müəyyən olunub. Araşdırmalar davam edir.
