Narkoman olduğu iddia edilən “Matı” ləqəbli Məsumə Sultanova 4 övladını evdə qoyaraq qaçıb. Bu haqda bu gün, 19 noyabr tarixində Bakuplus.az Xəzər Xəbər-ə isitnadən məlumat verir.
Sakinlər naməlum şəxslərin Məsumə Sultanovanın mənzilinə narkotik almaq üçün gəldiklərini iddia edirlər. Bununla bağlı qonşular dəfələrlə polisə müraciət ediblər.
Məsumə Sultanovanın böyük övladının 10 yaşı, ən kiçiyinin isə 10 aylıq olduğu bildirilir. On ildir birlikdə yaşadığı kişi deyir ki, övladlarının anası Məsuməni bu yoldan döndərmək üçün dəfələrlə cəhd etsə də, bu, bir nəticə verməyib. O, uşaqlara tək baxdığını deyir.
Elnur, həmçinin onu da qeyd edib ki, Məsumə ona dəfələrlə könüllü olaraq polisə təslim olmasını desə də, əməlindən əl çəkməyib və düzgün yol tutmayıb.
Daxili İşlər Nazirliyindən (DİN) bildirilib ki, Binəqədi rayonu, Biləcəri qəsəbəsi, Vidadi küçəsi ünvanında qeydiyyatda olan 33 yaşlı Məsumə Sultanova bu ilin oktyabr ayında Binəqədi RPİ tərəfindən saxlanılıb. Baxış zamanı narkotik vasitə sayılan, kağıza bükülmüş, xalis çəkisi 1349 qram olan metamfetamin aşkar edilərək götürülüb.
Onun barəsində cinayət işi açılıb, araşdırmalar davam etdirilir.
