Milli Məclisin deputatı Madər Musayev vəfat edib. Bu haqda bu gün, 14 iyul tarixində Bakuplus.az Report-a istinadən məlumat verir.
O, bu gün saat 17:00-da Binəqədi kənd qəbiristanlığında dəfn ediləcək.
Madər Musayev 1947-ci il noyabrın 26-da Bakıda anadan olub. Moskva Kooperativ İnstitutunun Bakı filialının Sənaye əmtəəşünaslığı və ticarətin təşkili fakültəsini bitirib. 1986-1995-ci illərdə “Bahar” ticarət mərkəzinin rəhbəri işləyib.
Musayev 12-ci çağırış Azərbaycan Respublikası Ali Sovetinin, 1-ci, 2-ci, 3-cü, 4-cü, 5-ci və 6-cı çağırış Azərbaycan Respublikası Milli Məclisinin deputatı seçilib.
I dərəcəli “Şöhrət” və “Şərəf”, “Vətənə xidmətə görə” ordenləri ilə təltif edilib.
