Bakının Nəsimi rayonunda xəsarətlərlə nəticələnən yol qəzası baş verib. Bu haqda bu gün, 22 dekabr tarixində APA məlumat verib.
Hadisə Həsən Əliyev və Səməd Vurğun küçələrinin kəsişməsində qeydə alınıb. “Mercedes” və “Toyota Prius” markalı avtomobillər toqquşub. Daha sonra “Mercedes” dəmir məhəccərə çarpılıb.
Qəza nəticəsində “Mercedes”də iki sərnişin yüngül xəsarətlər alıb. Hər iki avtomobilə maddi ziyan dəyib. Avtomobillər ərazidən kənarlaşdırılıb. Faktla bağlı araşdırma aparılır.
[caption id="attachment_84078" align="alignnone" width="640"]
Foto APA.az saytı[/caption]
