Neftçala rayonunda narkotiklə tutulan Bakı sakini barəsində təfərrüatlar məlum olub. Bu haqda bu gün, 16 fevral tarixində Bakuplus.az Daxili İşlər Nazirliyinə istinadən xəbər verir.
Paytaxt sakini Dünyamalı Qurbanbəyov əcnəbi narkotacirdən dəyəri 1500 AZN olan metamfetamin almaq istəyib. O, əcnəbi vətəndaşın göstərişi əsasında Neftçala rayonunun Həsənabad kəndi ərazisində gizlədilmiş narkotiki götürərək Abşeron rayonunun Hökməli qəsəbəsində əvvəlcədən təyin olunmuş yerdə gizlətmək istəyib. D.Qurbanbəyov Neftçala rayonu ərazisində çantanı götürən zaman polis əməkdaşları tərəfindən saxlanılıb.
Daha öncə Bakı sakininin üzərindən 3 kiloqramdan artıq narkotin aşkarlandığı barədə məlumat verilmişdir.
[caption id="attachment_90843" align="alignnone" width="640"]
Foto DİN-nin mətbuat xidməti[/caption]
