Paytaxt sakinləri Yevlaxda naqil oğurluğuna görə saxlanılıblar. Bu haqda Trend 15 dekabr tarixində xəbər verib.
Qaradağ rayon sakinləri İlqar, Azər və Qurban Mövlanov qardaşları cari ilin müxtəlif vaxtlarında dəmir yolunun Kürdəmir və Hacıqabul rayonlarında qatarların hərəkəti üçün nəzərdə tutulan, dəyəri 14.500 manat olan yüksək gərginlikli elektrik naqillərini kəsərək oğurlayıblar. Bundan sonra Bakıya gətirərək satıblar.
Qardaşlar Dəmir Yolu Nəqliyyatında Polis İdarəsinin və Yevlax Xətt Polis Şöbəsinin əməkdaşları tərəfindən saxlanılaraq istintaqa təhvil verilib.
