Bakıda yeni dələduz qardaşlar peyda olub. Bu haqda Report xəbər verib.
Şahin və Pərviz Rəcəbovlar müəssisə və təşkilatlara hesab-faktura göndərib maliyyə şöbəsinə zəng edirlər. Daha sonra təcili ödəniş edilməyəcəyi halda sayt və mail xidmətlərinin dayandırılacağını qeyd edirlər.
Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə Qarşı Mübarizə Mərkəzi bildirib ki, həmin şəxslər eyni zamanda rəhbərliyin adından istifadə edir və ödənişin razılaşdırıldığını və gecikdiyi üçün dərhal edilməli olduğunu qeyd edirlər.
Dələduzluqlarının üzə çıxdığı an isə vəziyyətdən çıxmaq üçün təkliflərinin hostinq xidməti deyil, sadəcə şirkət məlumatlarının başqa saytda yerləşdirdiklərini və ödənişin bu səbəbdən istənildiyini qeyd edirlər.
Bu kimi hallarla rastlaşan şəxslərdən hüquq-mühafizə orqanlarına müraciət etmələri xahiş olunur.
[URIS id=19713]
