Polis əməkdaşları paytaxt ərazisində narkotik maddələrin alverinə qarşı daha bir əməliyyat keçirib. Bu haqda bu gün, 25 noyabr tarixində Daxili İşlər Nazirliyinin mətbuat xidməti məlumat yayıb.
Masallı rayon sakini Fərhad Nuroğlu və Bakı şəhər sakini Ramin Qurbanovun üzərindən və sonuncunun yaşadığı mənzildən ümumilikdə 31 kiloqramdan artıq narkotik maddə aşkarlanıb.
F.Nuroğlu xarici ölkədən gətirilən narkotik vasitələri Yardımlı rayonu ərazisindən götürərək Qaradağ rayonunda R.Qurbanova təhvil verib.
Faktla bağlı araşdırma davam edir.
