11:37 - Yenilənib
İftixar Hümbətovun və Səbinə Rəsulovanın vəziyyətləri ağır olduğuna görə onlar paytaxta xəstəxanaya göndəriliblər.
Digər 5 yaralının müalicəsi Siyəzən Regional Diaqnostika Mərkəzində davam etdirilir.
11:08 - Ölən və yaralanan şəxslərin kimliyi məlum olu
Yaralılar Siyəzən Regional Diaqnostika Mərkəzinə yerləşdiriliblər. Bu haqda bu gün, 17 fevral tarixində Report məlumat verib.
Qəza nəticəsində Bakı şəhər sakini İsmayılova Aygün Eldar qızı, Sumqayıt şəhər sakini Vəliyeva Aygün Vidadi qızı və "Opel" markalı avtomobilin sürücüsü, Siyəzən şəhər sakini Hümbətova Qənimət Əlisahib qızı dünyasını dəyişib.
30 yaşlı Çinarə Xəlilova, 26 yaşlı İftixar Hümbətov, 27 yaşlı Səbinə Abbasova, 31 yaşlı Səbinə Rəsulova, 24 yaşlı Kənan İmanov, 39 yaşlı Vuqar Abdullayev və 45 yaşlı Xanım Mustafayeva müxtəlif dərəcəli bədən xəsarətləri alıblar.
10:23 - Siyəzəndə qəza olub
Siyəzən şəhərində bu gün, 17 fevral tarixində səhər saatlarında ağır yol qəzası baş verib. Bu haqda Bakuplus.az məlumat verir.
“Mercedes Vito” markalı avtomobil “Opel Zafira” ilə toqquşub. Qəza nəticəsində 3 nəfər ölüb, 6 nəfər yaralanıb. Verilən məlumata görə, ölənlərdən 2 nəfər hadisə yerində keçinib, biri isə xəstəxanada dünyasını dəyişib. Yaralılardan 5 nəfərin vəziyyətinin ağır olduğu deyilir.
Sosial şəbəkələrdə verilən məlumata görə, həlak olan 3 nəfər Bakıdan və Sumqayıtdan olan müəllimlərdir. Onların Siyəzən kəndlərində dərs demək üçün getdikləri deyilir.
[caption id="attachment_90960" align="alignnone" width="640"]
Foto açıq mənbədən[/caption]
