49 yaşlı SOCAR-ın əməkdaşı Namazov Mürsəl Həsənəli oğlu Neft Daşlarında itkin düşüb. Bu haqda APA SOCAR-ın rəsmisi İbrahim Əhmədova istinadən məlumat verir.
Namazov dekabrın 1-i gecə növbəsində işləyərkən, sonuncu dəfə saat 05:45 radələrində iş yerində görünüb. Onu bir daha görməyiblər.
"Meydançanın perimetri boyu, eləcə də onun yaşadığı yataqxanada axtarış aparılıb, axtarış işlərini davam etdirmək üçün sahəyə dərhal gəmilər və dalğıclar çağırılıb. Dünən hava şəraiti və dənizdə küləyin güclənməsi ilə əlaqədar axtarış işləri məcburən dayandırılsa da, hazırda dənizdə axtarış işlərinin davam etdirilməsinə cəhd olunur", - deyə Əhmədov qeyd edib.
Mürsəl Namazov elektrik vəzifəsində çalışır, ailəlidir, iki oğlu var. Namazovun həmkarları itkin düşən şəxsin ailəsinin yanında olur, onlara mənəvi dəstək olmağa çalışırlar. Hazırda axtarışlar davam etdirilir.
