Bakının “Koroğlu” metro stansiyasının yaxınlığında tıxacda qalan və əks istiqamətə dönmək üçün yol arakəsməsinə çıxan “Lexus” markalı avtomobilin sürücüsü cərimələnib. Bu haqda bu gün, 24 dekabr tarixində Bakuplus.az Oxu.az-a istinadən məlumat verir.
Sosial şəbəkələrdə yayılan kadrlarla bağlı Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli açıqlama verib. Onun sözlərinə görə, qaydaları pozan “Lexus LX 450” markalı 75-BX-555 dövlət nömrə nişanlı avtomobilin sürücüsü 60 manat məbləğində və 3 bal cərimə olunub.
