Taksi fəaliyyəti ilə məşğul olan Bakı şəhər sakini Lənkəran şəhərində qarət olunub. Bu haqda bu gün, 13 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Vətəndaş polisə müraciət edərək sərnişin kimi gətirdiyi naməlum şəxsinonun diqqətsizliyindən istifadə edərək 1710 manat dəyərində 2 ədəd telefonunu oğurladığını bildirib.
3 aydan sonra həyata keçirilən əməliyyat-axtarış tədbirləri nəticəsində cinayəti törətməkdə şübhəli bilinən Masallı rayon sakini Əfruz Əliyev müəyyən edilərək saxlanılıb. Araşdırma zamanı müəyyən edilib ki, paytaxtdan taksi ilə Lənkərana gələn Əliyev sürücünün mobil telefonlarını oğurlayıb və rayona gələrək yayınıb.
Lənkəran ŞRPŞ-nin əməkdaşlarının keçirdikləri əlavə əməliyyat tədbirləri zamanı həmin şəxsin rayon ərazisində digər oğurluq hadisələrinin də üstü açılıb. Belə ki, Əliyevin Lənkəran rayonu ərazisində yerləşən 3 yaşayış binasından 10.330 manat məbləğində pul və qızıl-zinət əşyaları oğurlaması da müəyyən edilib. Bundan başqa, həmin şəxsin Bakı şəhəri ərazisində çoxsaylı oğurluqlar törətdiyi də məlum olub. Əliyevin analoji əməllərindən zərər çəkən başqa şəxslər varsa, polisə müraciət edə bilrələr.
