Üzeyir Hacıbəyovun heykəlinə ayaqqabı atılması ilə bağlı araşdırma başlanılıb. Bu barədə BakuPlus.az Apa-ya istinadən bu gün, 3 yanvar tarixində xəbər verir.
Dahi bəstəkarın paytaxtın Nəsimi rayonunda yerləşən heykəlinin üzərinə yad cismin atılması ilə bağlı sosial şəbəkələrdə görüntülər yayılıb.
Hələlik şəxsiyyəti məlum olmayan iki gənc aralarındakı zarafat zamanı biri digərinin ayaqqabısını heykəlin üzərinə atıb.
Məsələ ilə bağlı polisə məlumat daxil olub.
Daxili İşlər Nazirliyinin (DİN) mətbuat xidmətinin əməkdaşı Nurlan Əliyevin sözlərinə görə, görüntülərlə bağlı araşdırma aparılır, nəticəsi barədə əlavə məlumat veriləcək.
