Bakıda “Bir millət, iki dövlət” adlı konsert proqramı keçiriləcək. Bu haqda BakuPlus.az bu gün, 2 sentyabr tarixində xəbər verir.
Müslüm Maqomayev adına Azərbaycan Dövlət Akademik Filarmoniyasında keçiriləcək musiqili gecə 15 sentyabr, saat 19:00-da baş tutacaq.
Gecədə Ü. Hacıbəyli adına Azərbaycan Dövlət Simfonik Orkestrinə Bujor Hoyniç və Mustafa Mehmandarov dirijorluq edəcəklər. Proqramda Azərbaycan və Türkiyə bəstəkarlarının əsərləri səslənəcək.
Biletlərin qiyməti 4-15 manat arasında dəyişir. Biletləri şəhərin bütün kassalarından, həmçinin filarmoniyanın kassasından, “ASAN xidmət” mərkəzlərindən ve onlayn əldə edə bilərsiniz.
