Məşhur irland rəqs qrupu Bakıya gələcək. Bu haqda BakuPlus.az Azərtac-a istinadən bu gün, 23 avqust tarixində xəbər verir.
Noyabrın 2-də dövrümüzün ən yaxşı üç İrlandiya şousundan biri olan əfsanəvi rəqs şousu - "Rhythm of the Dance" Heydər Əliyev Sarayında çıxış edəcək.
Tamaşaçıları orijinal kelt melodiyalarından ibarət sehrli kokteyl, dünyaşöhrətli İrlandiya stepi, canlı musiqi və solistlərin valehedici ifaları gözləyir.
"Rhythm of the Dance" öz miqyası və bacarığı ilə tamaşaçıları heyran qoyan musiqi, teatr, improvizasiya, müasir xüsusi effektlər və heyrətamiz səhnə işıqlandırmasıdır.
