Bakıda "Orta Asiyada eksperimental kinonun inkişafı" adlı mühazirə keçiriləcək. Bu haqda bu gün, 31 oktyabr tarixində Bakuplus.az “YARAT Contemporary Art Space”-ə istinadən xəbər verir.
Tədbirdə kinematoqrafda mövzular və meyillər, eləcə də "İnstagram stories" və "TikTok"-un eksperimental film və videoart sənətini necə "öldürdüyü" barədə müzakirələr aparılacaq.
Mühazirə 2 noyabr saat 19:00-da “YARAT” mərkəzində təşkil olunacaq. İştirak etmək üçün qeydiyyatdan keçmək lazımdır.
Mühazirəni kinorejissor, yazıçı və kurator Aleksey Ulko deyəcək. Aleksey Ulko Səmərqənddə anadan olub. O, Orta Asiyanın müasir mədəniyyəti və incəsənəti haqqında məqalələr yazır və məruzələrlə çıxış edir, eləcə də eksperimental kino və incəsənət layihələri ilə məşğul olur. ESCAS, AAH, CESS kimi cəmiyyətlərin və "The Garage Journal"-ın Redaksiya Heyətinin üzvüdür. Hazırda Daşkənddə Mədəniyyət və İncəsənətin İnkişafı Fondunun nəzdində Müasir İncəsənət Mərkəzində gənc rəssamlar laboratoriyasının kuratorudur.
