28 oktyabr tarixində Bakıda "Mədəni yenilənmə" adlı yeni layihəyə start veriləcək. “YARAT” Müasir İncəsənət Mərkəzi Mədəniyyət Nazirliyi il birgə keçirdiyi layihə Səməd Vurğun adına Azərbaycan Dövlət Akademik Rus Dram Teatrında gerçəkləşəcək.
Maarifləndirici xarakter daşıyan layihənin başlıca məqsədi Azərbaycan tamaşaçılarını xaricdə yaşayan, musiqi, teatr, kino, ədəbiyyat və elm sahəsində peşəkar uğurlara imza atmış istedadlı soydaşlarımızın fəaliyyəti ilə tanış etməkdir.
Fəaliyyət növündən asılı olaraq, layihənin hər bir iştirakçısı müxtəlif formatlı tədbirlərdə iştirak imkanı qazanacaq.
Layihənin ilk qonağı teatr prodüseri, rejissor, Rusiya Dövlət Teatr Sənəti Akademiyasının ifaçılıq sənətləri üzrə prodüserlik və menecment kafedrasının rəhbəri, sənətşünaslıq elmləri namizədi, dosent Elşən Məmmədov olacaq.
