Filarmoniyada Səid Rüstəmovun 115 illiyinə həsr olunan növbəti konsert baş tutacaq. Bu haqda 3 oktyabr tarixində Bakuplus.az məlumat verir.
Oktyabrın 12-də saat 19:00-da M.Maqomayev adına Azərbaycan Dövlət Akademik Filarmoniyasında Xalq artisti, bəstəkar Səid Rüstəmovun 115 illiyinə həsr olunmuş konsert proqramı təqdim olunacaq. Konsertdə Azərbaycan Dövlət Xalq Çalğı Alətləri Orkestri çıxış edəcək. Orkestrin bədii rəhbəri və baş dirijoru Xalq artisti Ağaverdi Paşayevdir.
Konsert proqramında Səid Rüstəmovun əsərləri səsləndiriləcək. Biletlərin qiyməti 4-15 manat arasındadır.
