Paytaxtın Nizami rayonu, Metropolitenin Qara Qarayev stansiyası yaxınlığında Krişna məbədi yerləşir. Bu haqda bu gün, 22 yanvar tarixində Bakuplus.az Baku TV-yə istinadən məlumat verir.
Krişna Şüuri Dini İcmanın nümayəndələri ət yemirlər, alkoqol, siqaret, çay və kofe istifadə etməkdən imtina edirlər. Məbədin rahibləri mövcuddur və ziyarətçiləri də az deyil.
Sovet dövründən gizli fəaliyyət göstərən Bakı Krişna Şüuru Dini İcması 1990-cı ildə rəsmi qeydiyyata alınmışdır. Dini mənsubiyyətindən aslı olmayaraq hər kəs məbədi ziyarət edib, tədbirlərdə iştirak edə bilərlər.
Qədim Veda fəlsəfəsi əsasında formalaşan və Vaişnavizm adlanan dini icmanın əsası 1896-1977-ci illərdə yaşamış hindistanlı Prabhupada tərəfindən qoyulub. O, 1965-ci ildə Hindistandan ABŞ-a köçür və bu ideyaları dünyaya yayır, kitablar yazmağa başlayır.
