Bakı Marionet Teatrı yeni mövsümünü 24 sentyabr tarixində açacaq. Bu haqda bu gün, 22 sentyabr tarixində Bakuplus.az məlumat verir.
Mövsümün açılışı “Arşın mal alan” tamaşası ilə baş tutacaq. Tamaşanın quruluşçu rejissoru və rəssamı Tərlan Qorçu, musiqi aranjimançısı Cavanşir Quliyev və kukla rəssamları Elman Mirzəyev, Şamil Buksayev, İrma Kaadze, Elmira Abbaslıdır. Marionetləri Nazim Hüseynov, Əli Allahverdiyev, Həsən Yaqubov, Hikmət Aydınoğlu, Fikrət Hacıyev və Aytən Qurbanova idarə edəcəklər.
Üzeyir Hacıbəylinin “Arşın mal alan” marionet tamaşası, həmçinin oktyabrın 1, 8, 15, 22, 28-də nümayiş etdiriləcək.
Biletləri onlayn və ya teatrın kassalarından əldə edə bilərsiniz.
