Bakı Rus Evində sənədli film nümayişi baş tutacaq. Bu haqda BakuPlus.az bu gün, 19 oktyabr tarixində xəbər verir.
19 oktyabr tarixində Bakı Rus Evində Dünya Balet Günü tədbirləri çərçivəsində sənədli film nümayişi keçiriləcək.
Saat 19:00-da başlayacaq “Leyla Vəkilova. Qanadlı xatirələr” filmi SSRİ Xalq artisti, professor Leyla Vəkilovaya həsr olunub.
Ekran əsəri “ARB Aran film”in dəstəyi ilə Leyla Vəkilovanın şagirdi olmuş Samir Səmədov tərəfindən ərsəyə gəlib.
Rejissoru Babək Abbaszadə olan əsər 4 dildə (Azərbaycan, rus, ingilis, və ispan) səsləndirilmiş və balet haqqında olan yeganə Azərbaycan filmidir.
Nümayişə giriş sərbəstdir.
