Bakıda Yamamoto Kyokonun "Dostluq ili" adlı caz konserti baş tutacaq. Bu haqda 19 avqust tarixində Bakuplus.az məlumat verir.
Konsert Beynəlxalq Muğam Mərkəzində 8 sentyabr saat 19:00-da keçiriləcək. Konsertdə Yamamoto Kyokonun ifasında yapon və dünya musiqiləri səsləndiriləcək.
Tədbriə giriş sərbəstdir, lakin yerlər məhdud olduğundan əvvəlcədən bilet əldə etmək lazımdır. Biletləri həftə içi hər gün saat 09:30-dan 17:30-a kimi Yaponiyanın Azərbaycan Respublikasındakı Səfirliyindən əldə etmək olar.
Yamamoto Kyoko Yaponiyada məşhur caz ifaçısı olmaqla yanaşı, Yaponiya və Azərbaycan arasındakı dostluq münasibətlərinin inkişafına da töhfələr vermişdir. Hətta 2018-ci ildə mərhum prezident Heydər Əliyevin doğum günü münasibətilə keçirilmiş 95-ci Anım Konsertində bir sıra musiqi parçaları ifa etmişdir.
