Beynəlxalq Muğam Mərkəzinin (BMM) “Muğam axşamları” layihəsinin yeni, 2022-2023-cü il mövsümünün ilk konserti keçiriləcək. Bu haqda BakuPlus.az Azərtac-a istinadən bu gün, 23 avqust tarixində xəbər verir.
Sentyabrın 17-də baş tutacaq konsertdə BMM-in solistləri, sevilən xanəndələr Rəvanə Qurbanova, Elgiz Əliyev və Səbinə Ərəbli “Humayun” və “Heyratı” muğamlarını ifa edəcəklər.
Xanəndələri BMM-in solistləri - tarzən Rövşən Qurbanov, Ceyhun Muradov (kamança), Əməkdar artist Təranə Əliyeva (qanun), Amil Mustafayev (nağara), Vasif Yusibli (ud) və Rəfael Əsgərov (balaban) müşayiət edəcəklər.
Beynəlxalq Muğam Mərkəzinin “Muğam axşamları” layihəsi 2017-ci ildən həyata keçirilir.
