Məşhur xoreoqraf və performer Şahar Binyamini Bakıda ustad dərsi keçirəcək. Bu haqda bu gün, 27 oktyabr tarixində Bakuplus.az YARAT incəsənət mərkəzinə istinadən xəbər verir.
Tədbir 7-12 noyabr tarixlərində saat 19:00-21:00 arası YARAT Mərkəzinin, 2-ci mərtəbəsində təşkil olunacaq. Qeydiyyat üçün: https://cutt.ly/INslmkk.
Şahar Binyamini əslən İsraildən olan xoreoqraf və performerdir. O, bütün dünya üzrə rəqs kollektivləri ilə işləyir: Paris Operasının Balet Truppası (Fransa), Ballet BC (Kanada), Niderland Rəqs Teatrı, İspaniya Milli Rəqs Truppası və digərləri.
Həmçinin Şahar Binyamini beynəlxalq səviyyəli quruluşların yaradıcısı sayılır: "MENSCH" (2016, Saarländisches Staatstheater, Almaniya), "LUNGS" (2016, UCLA, ABŞ) və s.
Şahar Binyamini İsrail Mədəniyyət Nazirliyi tərəfindən təsis edilmiş 2021-ci ilin ən uğurlu xoreoqrafı mükafatına layiq görülüb.
