Azərbaycan Dövlət Gənc Tamaşaçılar Teatrı 95-ci teatr mövsümünü açır. Bu haqda BakuPlus.az Azərtac-a istinadən bu gün, 23 sentyabr tarixində xəbər verir.
Teatr mövsümü sentyabrın 24-də dahi rus klassiki A.Çexovun “Qağayı” əsəri əsasında hazırlanan eyniadlı tamaşa ilə açacaq.
Quruluşçu rejissoru Əməkdar artist Nicat Kazımov, tərtibatçı rəssamı Telman Şıxıyev olan əsərin xoreoqrafik həlli Nailə Məmmədzadəyə, musiqi tərtibatı Şamxal Novruzluya, fəndlərin quruluşu İsa Əsədova aiddir.
Tamaşanın əsas ideyasını ifadə edən tənhalıq, təzadlar, tərəddüdlər içərisində qalmış insanın problemi hər bir obraz vasitəsilə qabardılıb.
