Müasir İncəsənət Muzeyində rəssam Lətafət Hafizqızının oktyabrın 5-dək davam edəcək “Rənglərin sirri” adlı fərdi sərgisinin açılışı bu gün, 29 sentyabr tarixində olub. Bu haqda Bakuplus.az məlumat verir.
Sərgidə rəssamın 70-ə yaxın əsəri, həmçinin atası, tanınmış rəssam, Azərbaycanın Əməkdar incəsənət xadimi Hafiz Məmmədovun şəxsi kolleksiyasında saxlanılan bir neçə əsəri nümayiş etdirilir.
Sərgi həftənin II-VII günləri, saat 11:00-dan 20:00-a qədər açıqdır. Biletin qiyməti 5 manatdır (tələbələr üçün 2 manat).
Lətafət Hafiz qızı Məmmədova 1954-cü ildə rəssam Hafiz Məmmədovun ailəsində anadan olub. Lətafət Hafizqızı Azərbaycan incəsənətini xaricdə uğurla təmsil edən sənətkarlardandır. Rəssam YUNESKO-nun Beynəlxalq İncəsənət Assosiasiyasının üzvüdür.
