Müasir İncəsənət Muzeyində fransız Lalique Evinə məxsus büllurdan hazırlanmış nadir sənət əsərlərindən ibarət sərgi keçiriləcək. Bu haqda 4 oktyabr tarixində Bakuplus.az məlumat verir.
Elzasda Lalique manufakturasının açılmasının 100 illiyinə həsr olunan sərgi 8-9 oktyabr tarixlərində keçiriləcək.
Sərgi 4 zalda baş tutacaq:
- Birinci zalda manufakturaya həsr olunmuş film nümayiş olunacaq;
- İkinci zalda brendin yubileyi münasibətilə yaradılmış xüsusi “Into The Blue” kolleksiyasından eksponatlar nümayiş etdiriləcək;
- Üçüncüdə zalda Lalique Evinin bestsellerlərini görəcəksiniz;
- Dördüncü zalda Lalique Evinin ustalarının iş prosesi zamanı çəkilmiş fotoşəkillər vasitəsilə büllurdan hazırlanmış şah əsərlərin yaradılması prosesinin iştirakçısı ola bilərsiniz.
Tam biletin qiyməti 5 manatdır, tələbə bileti ilə 2 manat, məktəblilər və məktəbəqədər uşaqlar üçün isə giriş pulsuzdur. Bələdçi ilə ekskursiyanın qiyməti isə 10 manat təşkil edir.
