Sahib Paşazadə tar sənəti üzrə master-klas keçirəcək. Bu haqda BakuPlus.az Bakı Mədəniyyət Baş İdarəsinə istinadən bu gün, 22 oktyabr tarixində xəbər verir.
Ustad dərsi oktyabrın 26-da saat 16:00-da Bakı Şəhər Mədəniyyət Baş İdarəsinin dəstəyi ilə baş tutacaq.
Tədbir Əhməd Bakıxanov adına 6 nömrəli uşaq musiqi məktəbində tanınmış tarzən, Əməkdar artist, Prezident mükafatçısı, "Tərəqqi" medalı ilə təltif olunmuş Beynəlxalq müsabiqələr qalibi, dosent Sahib Paşazadə tərəfindən keçiriləcək.
Bakı şəhərində yerləşən uşaq musiqi və incəsənət məktəblərinin şagirdləri də burada iştirak edəcəklər.
Tədbirin əsas məqsədi UNESCO-nun Qeyri-Maddi Mədəni İrsin Reprezentativ Siyahısına daxil edilmiş Azərbaycan tar sənətini gənclər arasında təşviq etməkdir.
