Musiqiçi Orxan Zeynallının Bakıda keçiriləcək konsertinə bütün biletlər satılıb. Bu haqda bu gün, 19 oktyabr tarixində Bakuplus.az repçinin şəxsi İnstagram səhifəsinə istinadən xəbər verir.
20 noyabr tarixində “Elektra Events Hall”da təşkil olunacaq konsertə 24 saatdan az bir vaxtda 3100 bilet satılıb.
“Bu sevgi və dəstəyə görə hər birinizə minnətdaram. Tarixi rekorda birgə imza atdıq. Təşəkkürlər!” - deyə musiqiçi öz səhifəsində paylaşım edib.
Orxan Zeynallının 6 ildir Bakıda konserti baş tutmurdu.
