Səməd Vurğun adına Azərbaycan Dövlət Akademik Rus Dram Teatrında “Qürur və qərəz” tamaşası nümayiş olunacaq. Bu haqda 2 sentyabr tarixində Bakuplus.az məlumat verir.
İngilis yazıçı Ceyn Ostinin romanı əsasında səhnələşdirilən tamaşa sentyabrın 30-da göstəriləcək. Səhnə əsərinin quruluşçu rejissoru və musiqi tərtibatçısı İrqar Safat, quruluşçu rəssamı isə Nikita Sazonovdur.
Qürur və qərəz sınağından keçən gənc qəhrəmanların əlaqələrinin intriqası nəticədə səmimi sevgi, hörmət və minnətdarlıq hissinə keçir. Lakin bu razılığa çatmazdan əvvəl onlar bir-birini tanımağın çətin yollarından keçməlidirlər. Öz düzlüyü və nəcib ləyaqətinin ən yaxşı sübutu isə sözlər deyil, hərəkətlər və əməllər olacaq.
Biletləri iTicket.az saytı və şəhərin kassalarından əldə etmək mümkündür. COVİD-19 pasportu və immun sertifikatı olmayan şəxslər tədbirə buraxılmır və əldə olunmuş biletlər geri qaytarılmır.
