Bu gün, 20 yanvar tarixində tanınmış kino təşkilatçısı, prodüser Aydın Abdullayev 70 yaşında vəfat edib. Bu haqda Modern.az mərhumun dostlarına istinadən məlumat verib.
Abdullayevin ölümünün səbəbləri açıqlanmayıb.
Aydın Abdullayev 1951-ci il iyunun 7-də anadan olmuşdur. 1975-ci ildən kino sahəsində işləmişdir. O, film inzibatçısı, animasiya sexinin inzibatçısı, sex rəisi, kino salnaməsi sexinin rəisi vəzifələrində çalışmışdır.
1993-1994-cü illərdə “Azərbaycanfilm” kinostudiyasında direktor müavini, direktor əvəzi, 1994-2000-ci illərdə “Azanfilm” kinostudiyasının direktoru olub. 20-yə yaxın cizgi filminin rejissorudur.
