Azərbaycanda YARAT Təhsil proqramı çərçivəsində ilk Müasir İncəsənət Məktəbi Bakıda yaradılır. Bu haqda BakuPlus 14 yanvar tarixində xəbər verir.
YARATın yaradılmasının 10 illiyinə həsr olunan layihədə Əməkdar rəssam, kurator Sabina Şıxlinskaya da iştirak edir.
Birillik kursun yekununda, müasir incəsənətin aşağıdakı sahələri üzrə mütəxəssislərin sertifikatlaşması olacaq:
- Rəssam
- Kurator
- Art-menecer
- Art-tənqidçi
- Tədqiqatçı
İncəsənət Məktəbinin birinci mərhələsi 6 aylıq intensiv nəzəri proqramdan ibarətdir. Nəzəri kurs başa çatdıqdan sonra yekun sərgiyə hazırlıq işləri keçiriləcək.
Dərslər həftədə 3 dəfə, əsasən axşam saatlarında keçiriləcək. Abituriyentlərin məktəbə qəbulu müsabiqə əsasında aparılacaq
Müsabiqədə iştirak şərtləri:
- CV (PDF formatında)
- Veb-saytınızdan (əgər varsa) və sosial şəbəkə səhifələrinizdən (Facebook, Instagram və s.) əlaqə məlumatları
- Portfolio (əgər varsa) – vizual istiqamətdə iştirak üçün müraciət edirsinizsə portfolionun olması zəruridir
- Yazılı materiallar, esselər, məqalələr – nəzəri istiqamət üzrə iştirak üçün müraciət edirsinizsə, bu materiallar tələb olunur
- Bütün iştirakçılar 200-300 sözlük motivasiya məktubu təqdim etməlidirlər
- Yaş həddi: 18-35 yaş
Kursda iştirak ödənişsizdir.
Müraciətlər 3 fevral tarixinə qədər registration@yarat.az ünvanından qəbul olunacaq.
