YARAT Mədəniyyət mərkəzi aktyorları, rəqqasələri, ifaçıları və səhnə hərəkəti ilə maraqlanan hər kəsi "Tənzimlənmiş hərəkət – UNFOLD Method" ustad dərslərinə dəvət edir. Bu haqda bu gün, 11 oktyabr tarixində Bakuplus.az məlumat verir.
UNFOLD rəqs və xüsusi texnikaya əsaslanan səhnə hərəkəti və məlumatlılıq təlimidir. Təlim hissləri və motor funksiyalarını təkmilləşdirməklə vahid və koordinasiyalı hərəkəti təşviq edir.
Bu təcrübə insana fantaziyalar, musiqi və kosmosun bir-biri ilə necə əlaqəli olduğunu anlamağa kömək edir.
Əlavə məlumat üçün: unfoldmethod.com.
Dərslərə Valentina Bordenave və Marlene Pfluger rəhbərlik edəcəklər.
İştirakçılardan hərəkət üçün rahat geyim və isti corablar, həmçinin seminarın “sakit” hissəsi üçün orta ölçülü kitab gətirmələri tələb olunur. Kitab başınızın altına qoymaq üçün istifadə ediləcək. Seminar ayaqyalın keçirilir.
Yaş həddi: 18-60. Oturacaqların sayı məhduddur. Təlim İngilis dilindən Azərbaycan dilinə sinxron tərcümə ilə təşkil edilir.
Tarix: 17-21 oktyabr, 19:00-22:00
Bundan əlavə, 19 və 21 oktyabr aralığı, saat 15:00-dan 17:30-a qədər improvizasiya və performans dilinin öyrənilməsinə həsr olunmuş iki əlavə günorta dərsi olacaq.
Məkan: YARAT Center, çoxfunksiyalı zal
COVID pasportu tələb olunur.
Qeydiyyatdan keçmək üçün: https://cutt.ly/jBcKnwp.
Əlavə məlumat üçün: +99450 246 92 92
