YARAT İncəsənət Mərkəzində memar və urbanist Ucal Qorçu mühazirə edəcək. Bu haqda bu gün, 2 fevral tarixində Bakuplus.az mərkəzə istinadən xəbər verir.
Hal-hazırkı kreativ seçimlərimizin kontekstini anlamaq üçün tarixə sinxronoptik baxış bizə necə kömək edə bilər? Memarlığın sosial funksiyasının incəsənət ilə əlaqəsi nədir? Əsrlər boyunca memar personası necə dəyişib və incəsənət xadimləri bu imicə necə təsir göstərirlər? Memarlıq diskursundan xəbərdar olmağın başqa kreativ təbəqələr üçün faydası nə ola bilər?
Mühazirə zamanı bu kimi suallar müzakirə olunacaq, fikir mübadiləsi aparılacaq.
Tədbir 9 fevral saat 19:00-da baş tutacaq. Yaş məhdudiyyəti 16+. İştirak üçün öncədən qeydiyyatdan keçmək vacibdir. Əlavə məlumat üçün 050 246 92 92.
