Azərbaycan Dövlət Kukla Teatrında “Durna balığı” tamaşası nümayiş ediləcək. Bu haqda 2 sentyabr tarixində Bakuplus.az teatra istinadən xəbər verir.
Rus xalq nağılı əsasında hazırlanan tamaşa sentyabrın 16-da rus dilində teatr sevənlərə göstəriləcək. Tamaşanın quruluşçu rejissoru Anar Məmmədov, quruluşçu rəssamı Əfşan Əsədovadır.
Rolları teatrın rus bölməsinin aktyorları Rauf Babayev, Lina Məmmədova və Araz Həsənli ifa edirlər. Bu üçlük tamaşada 7-dən artıq personajı canlandırmaqla eyni zamanda iki kuklanın oyununu ustalıqla təqdim etməyə müvəffəq olub.
Tamaşanın premyerası 12 sentyabr 2017-ci ildə baş tutmuşdur.
