Bakının iki rayonunda əyləncəli idman tədbirləri keçiriləcək. Bu haqda bu gün, 9 iyun tarixində Bakuplus.az məlumat verir.
Nərimanov rayonunda ABAD məhəllədə (ünvan: Atatürk prospekti, 37) 10 iyun saat 10:00-da kütləvi idman tədbiri keçiriləcək. Məşq, əsasən, 5-14 yaş kateqoriyasından olan uşaq və yeniyetmələr üçün nəzərdə tutulub. İştirakçılar sertifikatlarla təltif olunacaqlar.
13 iyun tarixində isə saat 11:00-da Binəqədi rayonunda yerləşən Heydər Əliyev parkında "Gimnastika hamı üçün" devizi altında tədbir baş tutacaq. Məşqə hamı dəvətlidir.
