Bakıda bir sıra avtobusların marşrut sxemi dəyişdirilib. Bu haqda bu gün, 19 iyun tarixində Bakuplus.az Yerüstü Nəqliyyat Agentliyinə istinadən xəbər verir.
“28 May” metro stansiyası və Bakı Dəmiryol Vağzalının qarşısında aparılan təmir işləri ilə əlaqədar 14 avtobus marşrutunun dayanacaq məntəqələri 4 müxtəlif ərazidə təşkil ediləcək:
- 1, 46, 125 və H1 nömrəli avtobus marşrutlarının son dayanacaq məntəqəsi 28 May küçəsində (S.Vurğun bağı);
- 21, 30, 32, 49 və 175 nömrəli avtobus marşrutlarının son dayanacaq məntəqəsi Dilarə Əliyeva küçəsində (S.Vurğun bağı);
- 14 və 88A nömrəli avtobus marşrutlarının son dayanacaq məntəqəsi Füzuli küçəsində (Azadlıq prospekti ilə kəsişmədə);
- 4, 5 və 88 nömrəli avtobus marşrutlarının aralıq dayanacaq məntəqəsi Azadlıq prospektində (ADNSU-nun yanı) təyin edilib.
Dəyişikliklər 20 iyun tarixindən etibarən qüvvəyə minəcək.
