Bu gün, 2 avqust tarixində saat 09:00-dan Bakının Xətai və Suraxanı rayonlarının qaz təchizatı dayandırılıb. Bu haqda Bakuplus.az “Azəriqaz” İstehsalat Birliyinə istinadən məlumat verir.
Fasilə Xətai rayonu üzrə Müşviq, Qvardiya, Azadlıq, Oksigen, Pivə Zavod, Mirzə Davud küçələrinin, 8 Noyabr prospektinin bir hissəsinin və Suraxanı rayonu üzrə Qum adası yaşayış massivinin, həmçinin qeyd olunan ərazilər üzrə qeyri-yaşayış sahələrinin küçələrində yaranıb.
Qaz təchizatının dayandırılması “Qaz İxrac” İdarəsinə məxsus "Qum adası-Bayramzadə İEM" yüksək təzyiqli magistral qaz kəmərində təmir işlərinin aparılması ilə əlaqədardır.
Təmir zamanı "Qum Məişət(Qİİ)", "Alko", "Naximov", "Müşviq əhali", “Mirzə Davud küçəsi”, "Gilan", "Quru Yük Limanı", "Dəniz donanması", "F-centr", "Azərsu Nəqliyyat" və "Zığ gəmi təmiri" ölçü qovşaqlarından qazın verilməsində fasilə yaranacaq.
