Bakının Suraxanı rayonu ərazisində 3 nəfərdə 9 kiloqramdan çox narkotik aşkar olunub. Bu haqda bu gün, 7 oktyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Suraxanı Rayon Polis İdarəsi əməkdaşlarının həyata keçirdikləri əməliyyatlar zamanı 48 yaşlı Zaur Zəkiyev, 34 yaşlı Nahid Əzizov və əvvəllər məhkum olunmuş 34 yaşlı Rövşən Vəliyev saxlanılıblar.
Zəkiyevdən 7 kiloqram heroin, marixuana və kultivasiya yolu ilə yetişdirdiyi çətənə kolu, Nahid Əzizovdan 2 kiloqram heroin, 1 ədəd elektron tərəzi, Rövşən Vəliyevdən isə 200 qram psixotrop maddə metamfetamin aşkar edilərək götürülüb.
Saxlanılan şəxslər narkotik maddələri satmaq niyyəti ilə əldə etdiklərini bildiriblər.
Rayon ərazisində narkotik dövriyyəsinə qarşı tədbirlər davam etdirilir.
