Sosial şəbəkələrdə “Koroğlu” - Buzovna xətti üzrə hərəkət edən 107 saylı marşrut avtobuslarında özünəməxsus gediş tariflərinin müəyyənləşdirildiyi haqqında məlumat yayılıb. Bu haqda bu gün, 17 iyun tarixində Bakuplus.az Trend-ə istinadən məlumat verir.
Məsələ ilə bağlı Azərbaycan Yerüstü Nəqliyyat Agentliyindən bildirildi ki, “Ayşən-LTD” MMC-nin istismarında olan 107 saylı müntəzəm marşrut xətti üzrə avtobuslarda gediş haqqı tarif şurasının müvafiq qərarına əsasən, məsafəyə uyğun olaraq müəyyən edilib.
Bu xətt üzrə Buzovna qəsəbəsi (Əli Ayağı ziyarətgahı) - “Koroğlu” NMM və əks istiqamətdə gedişhaqqı 0.60 AZN, Buzovna qəsəbəsi (Əli Ayağı ziyarətgahı) - Sabunçu qəsəbəsi istiqaməti üzrə 0.50 AZN, Buzovna qəsəbəsi (Əli Ayağı ziyarətgahı) - Maştağa-Zabrat yolu istiqamətində isə gediş haqqı 0.40 AZN təşkil edir. Daşıyıcı da bu qərara əsasən, avtobusların salonunda müvafiq məlumatları yerləşdirib.
107 saylı müntəzəm marşrut xətti üzrə gediş haqqının ödənişi hazırda nağd formada həyata keçirilir.
