Daha bir tələbəyə pornoqrafik səhifə üstündə hökm oxunub. Bu haqda bu gün, 23 iyun tarixində Bakuplus.az Qafqazinfo-ya istinadən xəbər verir.
Ağsu sakini, 24 yaşlı E.Əliyev 2 il müddətinə elektron qolbağa məhkum edilib. Ancaq cəzası şərti olmaqla 1 il 6 ay sınaq müddəti qoyulub. O, Azərbaycan Dövlət İqtisad Universitetinin tələbəsi olub.
Gənc oğlan Telegram sosial şəbəkəsində “****hub” və digər 2 səhifə yaradaraq orada zorlama, zoofiliya və uşaq pornoqrafiyasına aid videolar paylaşıb. Tələbatın yüksək olduğunu görən tələbə səhifələrinə girişi ödənişli edib. O, hər üzvdən 10-20 AZN arası pul aldıqdan sonra səhifəyə keçidə icazə verib.
Məhkəmə məhkumun ilk dəfə cinayət məsuliyyətinə cəlb olunmasını, universitetdə oxumasını, gəncliyi, gələcək həyatı, əməlindən səmimi peşman olmasını və yaşayış yeri üzrə müsbət xarakterizə olunmasını nəzərə alaraq qərar verib.
Bir neçə gün öncə başqa bir gənc pornoqrafik videolar yaydığına görə cəzalandırılmışdı.
