Polisin keçirdiyi əməliyyatlarda saxlanılan tiktokerlər – Nurdan Yusifova, Duanna Quliyeva və "Tosu" ləqəbli Məhərrəm Həsənovun həbs müddəti uzadılıb.
Lent.az-ın məlumatına görə, bu barədə Binəqədi rayon Məhkəməsi tərəfindən təqdimata baxılıb.
Qərara əsasən, Nurdan Yusifova və Duanna Quliyevanın ev dustaqlığı, həmçinin Məhərrəm Həsənovun həbs qətimkan tədbiri 3 ay müddətinə uzadılıb.
Qeyd edək ki, onların hər biri ötən ilin dekabr ayında Daxili İşlər Nazirliyinin Kibercinayətkarlıqla Mübarizə Baş İdarəsi tərəfindən keçirilən əməliyyatlar nəticəsində saxlanılıb. Tiktokerlər Cinayət Məcəlləsinin 234.1-1-ci (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi ilə təqsirli bilinirlər.
