Bakı Ağır Cinayətlər Məhkəməsində 7 yaşlı Nəzrin Bədirxanovaya (şərti) qarşı seksual xarakterli hərəkətlər edən 21 yaşlı Gülağa Bayramov (şərti) barəsində hökm oxunub. Bu haqda bu gün, 19 oktyabr tarixində Bakuplus.az Qafqazinfo-ya istinadən xəbər verir.
Hakimin qərarı ilə Gülağa Bayramova 18 il müddətinə azadlıqdan məhrum edilib.
Bayramovun qızın ailəsini daha əvvəldən tanıdığı müəyyən edilib. Bədirxanovlar ona etibar edərək evin açarının bir surətini veriblər. Həmin şəxs isə şəraitdən istifadə edərək ailə üzvləri işdə olan vaxt evə gələrək əməli törədib.
Təqsirkar şəxs “Seksual xarakterli zorakılıq əməlləri – 14 yaşına çatmayan şəxsə qarşı edildikdə” maddəsi ilə ittiham olunub.
