Sabiq politoloq Cəbrail Fərzəliyev barəsində hökm oxunub. Bu haqda bu gün, 19 fevral tarixində Bakuplus.az APA-ya istinadən xəbər verir.
Bakı Ağır Cinayətlər Məhkəməsinin hakimi Fərid Namazovun qərarına əsasən, təqsirləndirilən Cəbrail Fərzəliyev 10 il müddətinə azadlıqdan məhrum edilib.
C.Fərzəliyev “Azərbaycan Respublikasının Gənclər Fondu”ndan 385.000 və “Paşabank” ASC-dən 342.000 manat mənimsəyib.
Ona qarşı Cinayət Məcəlləsinin “Dələduzluq, külli miqdarda ziyan vurmaqla”, “Mənimsəmə və ya israf etmə külli miqdarda törədildikdə”, “Vəzifə səlahiyyətlərindən sui-istifadə ağır nəticələrə səbəb olduqda” və “vəzifə saxtakarlığı” maddələri ilə ittiham irəli sürülüb.
Cəbrail Fərzəliyev politoloq kimi fəaliyyət göstərib. O, həmçinin 2018-ci ildə Gənclər Fondunun maliyyə dəstəyi ilə 8-ci qrant müsabiqəsinin qalibi olub.
