Ötən gün saat 17:30-da Ağstafadan Bakıya yola düşən 705 nömrəli sərnişin qatarı Dəllər və Goran stansiyaları istiqamətində hərəkətdə olarkən elektrik enerjisinin verilişində yaranmış texniki nasazlıq səbəbindən yolda iki saatdan çox qalıb. Bu haqda bu gün, 20 iyun tarixində Bakuplus.az Azərbaycan Dəmir Yolları QSC-yə (ADY) istinadən məlumat verir.
Gecikmələr səbəbindən sərnişinlərin Bakıya daşınması üçün Hacıqabul stansiyasından pulsuz avtobuslar ayrılıb.
Həmçinin “20 Yanvar” dairəsindən Zığ və Bayıl qəsəbələri istiqamətində pulsuz avtobuslar, Bakı-Xırdalan-Sumqayıt və Bakı-Pirşağı-Sumqayıt marşrutları üzrə əlavə qatarların hərəkəti təşkil edilib.
"ADY yaranmış problemə görə sərnişinlərindən üzr istəyir, bu kimi halların gələcəkdə təkrarlanmaması üçün kompleks tədbirlər üzərində işləyir", - açıqlamada deyilir.
