Universitet və kolleclərin boş qalan yerlərinə qəbulun nəticələri açıqlanıb.
Dövlət İmtahan Mərkəzi xəbər verir ki, abituriyent və subbakalvrlar müsabiqənin nəticələri haqqında məlumatı DİM-in internet saytından, eləcə də mobil nömrələr vasitəsilə öyrənə bilərlər.
Ali təhsil müəssisələrinin boş qalan plan yerlərinin və tam (11 illik) orta təhsil bazasında orta ixtisas təhsili müəssisələrinin müsabiqəsində iştirak etmək üçün 20.827 şəxs ixtisas seçimi edib.
Müsabiqə nəticəsində ali təhsil müəssisələrinin boş qalan plan yerlərinə 528 nəfər (o cümlədən 114 nəfər subbakalavr), tam orta orta təhsil bazasında orta ixtisas təhsili müəssisələrinə isə 12.186 nəfər qəbul olub.
Tam orta təhsil bazasında orta ixtisas təhsili müəssisələrinə tələbə qəbulunun nəticələrinə cəmi 201 yer (1.62%) boş qalıb.
Ali təhsil müəssisələrinin boş qalan yerlərinə qəbul olan abituriyentlər (subbakalavrlar) 9-16 sentyabr, orta ixtisas təhsili müəssisələrinə qəbul olan abituriyentlər isə 9-17 sentyabr tarixi saat 18:00-dək portal.edu.az platformasında qeydiyyatdan keçməlidir.
