Nərimanov rayonu, Nəcəf Nərimanov küçəsində, Kooperasiya Kollecinin həyətində güclü küləkdən sonra ağac gövdəsindən əyilib.
Bakuplus.az-a müraciət edən vətəndaş bildirir ki, ağac digərinə söykənərək qalıb. Bununla da bordürü aşırıb, barmaqlıqları isə əyib.
Sözügedən küçə işlək yoldur və hər gün tələbələr, azyaşlılar buradan keçir. Bu səbəbdən əyilmiş ağacın yaratdığı vəziyyət ətrafdakılar üçün təhlükə yaradır.
Məlumata görə, məsələ ilə bağlı rəsmi qurumlara müraciət edilsə də, tədbir görülməyib.
