Nəsimi Rayon Prokurorluğunda cari ilin aprel ayında baş vermiş 89 yaşlı İsmayıl Rəhimovun ölümü ilə bağlı cinayət işinin ibtidai istintaqı başa çatıb. Bu haqda bu gün, 24 iyul tarixində Bakuplus.az Azərbaycan Respublikası Baş Prokurorluğuna istinadən məlumat verir.
Cinayət işi baxılması üçün Bakı Ağır Cinayətlər Məhkəməsinə göndərilib.
İstintaq zamanı məlum olub ki, martın 19-da 55 yaşlı Emin Rəhimov yaşadıqları mənzildə atası İsmayıl Rəhimova baş və bədəninin müxtəlif nahiyələrinə yumruqla çoxsaylı xəsarətlər yetirib. Nəticədə kişi xəstəxanaya aparılıb və orada bir müddət sonra dünyasını dəyişib.
Rəhimov Cinayət Məcəlləsinin “”qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə ittiham edilərək həbs olunub.
