“Zığ” Gəmi Təmiri və Tikintisi Zavodunda “Şah İsmayıl Xətai” tankerinin əsaslı təmiri başa çatıb. Bu haqda bu gün, 10 fevral tarixində Bakuplus.az Xəzər Dəniz Gəmiçiliyinə istinadən xəbər verir.
Tankerdə mühərriklər və nasoslar təmir edilib, yeni borular quraşdırılıb. Həmçinin elektrik-quraşdırma və avtomatika işləri də yerinə yetirilib.
Gəminin heyətinə məxsus yaşayış otaqları, sanitar qovşaqlar və yeməkxanalar yenilənib. Sualtı və suüstü hissələr, göyərtə, maşın şöbəsi təmizlənərək rəngləniblər.
“Şah İsmayıl Xətai” gəmisi Nəqliyyat Donanmasının ən nəhəng tankerlərindən biridir. Uzunluğu 149,9, eni 17,3 metr, tam yükgötürmə qabiliyyəti 13,8 min tondur.
